一年

2013-12-18 我仍然活著！

2012-12-18 我好像被一班醫生判了死刑，係一個無期徒刑，但到了今天，已經一年了，我還好！

這一年好像發生了好多事，但人類好得意，往往痛楚的經歷，轉眼間就會忘記！

感恩，回到主場，副作用並不是太明顯，只是少少作悶，今年有望可以過到聖誕，亦期望可以倒數除夕，只要有信念，我相信祂不會離你而去！

祝願各位聖誕快樂！祂的誕生、復活…我亦得到新生命！感謝主！

Life

No matter your life is long or short, as long as there is a happy ending, I have no regret.

呢星期真係俾 TVB 既 on call 36 洗左腦，不過換轉另一個角度去看，其實只要你有一點經歷，你會好有一種身同感受的感覺。

尋日大結局，車車既真言，我好有感受。不在乎生命既長短，只要你活得精彩，話在當下，人總會有一天離開呢個世界，當你走的一刻，你亦唔會有所遺撼。

從前未真正感受到生命在倒數時，總會有好多戲言，但內裡完全沒有意思，因為要當你正成感到生命快要到盡頭時，你再說這些 " 戲言 "，才叫真正有意思！

今天正式係新戰場披甲上陣，唔知呢次會有咩反應，雖然醫生都話我個病難控制，但我相信只要有信念，面前的一切都只是一種考驗。

PS: 由於小女子個腦生左好多草，所以唔知點樣 upload yahoo 既 backup 上黎，結果都係將舊檔搬左去 www.weshare.hk/peggy311 ，起碼無流失從前的點滴！

新戰場

經過一年既長途 跋涉，終於決定告別東區，返番自己主場新界西既屯門醫院。可能有好多人都會覺得點解有港島區醫院唔去，反而要走去屯門醫院？但對我黎講，新界先係我既地方，我本應就係屬於呢度，過去既一年，離鄉別井，身心都飽受煎熬，或者我註定要做個鄉村女，回來我感到好舒服。

老實講，自己個病心中有數，但我無放棄自己，只要每天起床，無痛無唔舒服，行得食得痾得，我已經好滿足，活在當下吧！當然，我好明白自己屋企人既擔心，好希望我繼續用藥，唔好放棄。但作為當事人既我，一個辛苦完兩星期化療、嘔足兩星期、入院兩次…結果！？癌指數仲要升左一倍，我真係有刻問自己，為乜？

屯門呢度既醫生都好老實同我講，他們會盡量配合我既意願，因為我個病要控制真係有難度，而且我身體狀況真係好難講，上次化療後白血球低到得 0.4幾，真係有危險，所以他們都會同我減藥。減藥對於我地黎講，其實並不是件好事，不過想太多亦無咩意思，呢刻我只能將一切交俾衪，相信衪早已為我預備。

好多謝一直 有睇我個 blog 既朋友，我都好希望你地一路都睇到我既sharing ，我仲未想封筆住！因為我仲有好多野想分享！至少俾我環遊完個世界先啦！哈哈！