最近真係無咩心機去 update 呢個 blog ，可能身體上真的比從前差，所以每一天都只希望可以多見昇仔幾面。
早幾日，終於遇到一位婦科腫瘤專科醫生，他個名仲要只差昇仔一個字，哈哈，是天意嗎？是主你派 Dr Sing 黎醫我嗎？他跟我說，其實我個病唔難醫，但想不到，他會問我是否睇過岑教授？原來當初東區突然改左岑教授offer 我既第二輪化療藥，而又唔洗自費，可能就因為他的 refer letter !? 可惜這套藥對我反應太 大，打到我入左兩次醫院。結果頂唔順，要返黎我主場。
Dr Sing 跟我解釋，其實我不應在未夠一年就用同一隻化療藥，不過可能岑教授名氣太大了，結果醫院亦 follow 左他。可惜，這正正影響了我現在的治療，因為我的指數又慢慢升了，若然上年年尾無打個兩針一線藥，現在就可以重用！唉… 我個病究竟還要拖多久？主呀…你可告訴我嗎？或者你這樣的安排，總有你想我明白的地方！？
