留院

新一輪化療係13號正式開始，今次比上次密，兩星期兩針，休息一星期再打，計劃打4-6個療程。

點知原來我係少數民族，明明今次隻葯比上一次無咁毒，點知我既反應同一般人唔同，打一針嘔足一星期，結果入左院吊鹽水。打埋第二針仲誇張，要入院輸血，白血球同血小板大跌到危險水平，依家係醫院已經被隔離了一星期。無計，惟有當自己返左荷蘭住下酒店吧！

好彩自己一間房，外面又有海境，就當休養下，加上呢幾日凍左，係呢度點都安全啲。