雙料情人節

通常新年氣氛到了元宵就會暫告一段落，今年既新年對我黎講已經有很大不同！至少今年我仍有點力氣同精神，到朋友家拜年，好感恩！

昨天是雙料情人節，中西同一日，仲記得從前，每逢呢D敏感日子，我寧願返工渡過，估唔到今年都唔例外，一早就 " 返工 "，地點屯門醫院，工作打化療！老實講，呢種生活有時真的令我好無奈，儘管到了呢刻，有時我都會問：「究竟仲要打幾耐？」

今次返去見埋寧養姑娘，其實她們的出發點是好的，因為做人要有兩手準備，積極樂觀固然重要，但相反，沒有為自己個病作些打算，到最後時可能會帶著遺憾，而她們的工作就是呢樣，好讓我無遺撼走到最後。大家嘗試諗下，以我呢個年紀去聽呢D安排，個心係咪仲有點唔舒服！？不過我都在她們的電腦上，同意了在最後的時候，無須再為我急救，不要讓我的痛苦延續下去。

寫信！？姑娘提議我寫一些信件給我的家人，其實我一向都喜歡寫些日誌，但為了個病，寫下“遺誌”，大家又覺得怎樣呢？若然人已逝，那就將一切成追憶，放不下，才是最痛苦！

唔知我呢個部落可以到幾時呢？若干年後，唔知有無我想他看的人會出現呢？一切都隨緣吧！將一切交托給祂！

雙料情人節要19年先一次，即下次會係2033年，我相約你 JP

同時，人人新舊曆生都應該每19年就相遇一次，而我偏偏就不是，下一次雙料生日要到57年後，即2037年，我也相約你 JP