想喊

好感恩身邊有一大班好友每天都在支持我，可惜身體每日差落去，自己都好無奈。痛楚一日比一日多，依家連食、行、坐咁基本既野都做唔到。

腸塞問題連醫生都幫我唔到，我只能默默忍受，盼望神蹟再次出現。化療葯既副作用開始浮現，意味我又要承受多一種痛苦，皮膚開始爛，但點解我總是與人不同？點解我爛既地方都比其他人複雜？

老實講，我已經忍受到超越自己既能力，我唔知道自己仲可以撐到幾耐？每當好痛同無助時，我都好想喊，但喊左亦解決唔到個問題。我好辛苦⋯我唔知自己可以點做？