盼望

今次腸塞入院至今已經第十四日，足足兩星期。感覺？可以有咩感覺，只能每天盼望，插住胃喉，兩星期都無食過野，每天望住啲美食相，望梅止渴，滿足下自己的食慾。

其實已經好感恩，昨天等到頸都長既大便終於走了出來，連護士長都為我興奮，嗰刻其實我只識得感謝主，因為祢真的聽到，凡事盼望，祢必眷顧！

仲有三日就生日了，有睇開我個blog 既朋友都會知我好重視自己311的生日，本來訂好機票去北海道玩，不過依家應該會係醫院渡過了，但好感激一班醫護人員，他們可以讓我跟屋企人係呢度過生日，其實人來到這世界的一刻根本什麼都沒有，當離開時亦如此。所以我感恩呢刻，我身邊有愛我既親人朋友，所以我並非什麼也沒有。