復活節渡假

個幾星期前打完第二針，終於可以結束26日既醫院生涯，雖然都預左回家後仍然會有不適，但始終都係在家千日好。回家後，痾左四日，腳都軟埋，諗住停左痾可以休息下，點知快樂時光真係過得特別快，四日後又開始發燒。元氣都未回，又有新挑戰，微燒諗住係正常反應，點都要去埋好姐妹個婚禮，但中途都頂唔順要分上下兩場，其實我已好感恩。

結果到了尋日，發高燒到39.2，後日就係復活假長假期，都係搏唔過，返醫院渡下假。可知道，對化療中病人黎講，發燒係好大件事，所以我一返到黎，簡直又係VIP待遇，即刻入住無敵大海景，望住IFC + ICC 既獨立隔離病房，睇黎呢個假期可以好relax 咁過。哈哈哈！